جاري تحميل ... ZOKA TEC

إجمالي مرات مشاهدة الصفحة

احدث المقالات

إعلان في أعلي التدوينة

علم المحاسبة

الدورة العملية للمحاسبة المالية | حل مشكلة 99% من المحاسبين


الدورة العملية للمحاسبة المالية 




بعد 3 فيديوهات بتاعة المحاسبة اللي عملناها جاتلي أسئلة كتير جداً علي الواتس اب و الفيس بوك وحتي في الكومنتات اللي علي اليوتيوب

وتقريباً كلها بتوصل لطريق واحد ان معظمنا متخصص في جزء او اثنين في المحاسبة وقوي فيهم جدا لكن للاسف يعرف رطوش عن باقي الأقسام  الا من رحم ربي طبعا

علشان كده انا فكرت في طريقة مش بس ارد بيها علي كل الاسئلة دي لكن كمان نحل بيها مع بعض مشكله معظم المحاسبين ان كان الخبرة أو حديثي التخرج .

معظم الخريجين او حتي اللي عندهم خبره في الحسابات بيقابلهم مشكلة التطبيق العملي بمعني ايه

 لو انت خريج جديد و بعد 4 سنين دراسة يقولك لازم تاخد كورسات علشان تعرف تشتغل اومال المحاسبة اللي كنت بدرسها دي ايه

 انا عاوز اقولك حتي معظم الكورسات لما تاخدها برده مش هتبقي فاهم 100% علشان تقدر تمسك مسئولية محاسب في شركة

 وأول شركة تدخلها تلاقي نفسك محتاس وبتسئل 300 سؤال في الدقيقة , ونفس القصة للي عندهم خبرة

 يبقي مكتوب في السي في 5 سنين خبره و لما يجي الانترفيو و يتسأل : حضرتك ممكن تقولي اي المهام الوظيفية بتاعتك

يرد المحاسب ويقول ادخال البيانات علي البرنامج الاكسيل او الساب او بيتش تري او أياً كان او يقولك ترصيد القيود في اليومية الامريكية

 5 سنين خبرة غير 4 دراسة و الكورسات وتلاقيه مش عارف يعمل تحليل للقوائم الماليه أو يقدر يعمل تصنيف للحسابات

 اومال امتي هتعرف وتترقي وتبقي يدوب مراجع او رئيس حسابات مش مدير مالي حتي
لازم تكون فاهم الارقام دي بتشير الي ايه و ازاي نقدر نعدلها لو كانت ارقام تؤثر بالسلب  او نطورها لو كانت ايجابيه

يعني بعد تحليل العملاء تعرف مين بيتاخر علي السداد ومين اللي منتظم معاك تبدي تفكر ازاي أعلي السعر علي اللي بيتاخر و أعمل مع العميل المنتظم عرض مثلا تزود عدد ايام الاجل بدل مثلا 15 يوم يبقي 30 يوم مقابل زيادة المبيعات علشان تحس ان عندك فكر وفاهم مش ألة كتابه

بند تاني ذي العهد مش بس مجرد انت عهدتك كانت 500 جايب فواتير ب 200 يبقي متبقي 300 يا سلام طيب ماجيب حد من ابتدائي يسوي عهده هي مش جمع وطرح

لازم تبقي فاهم البنود اللي المفروض يتصرف فيها العهدة و كمان تقارن بين البنود المتشابهه و تعرف الفرق بينها علشان العهدة لما تيجي تحت ايدك محدش يقدر يغالطك فيها

لازم تبقي فاهم كل حاجه الصغيرة قبل الكبيرة و ده اللي بيفرق محاسب عن التاني من الاخر تبقي فاهم مش حافظ

علشان كده ان فكرت اعمل الدورة او الكورس ده من بشكل مختلف عن الشروحات الموجودة علي الانترنت

المحاسب اللي بجد لازم يكون فاهم مش حافظ الكلمة دي هتكرر معانا كتير علشان دي اساس شغلنا لازم تكون فاهم مش حافظ

 علشان تقدر تعدي من اي انترفيو او لو اشتغل في اي مجال يبقي عنده الفكر اللي يقدر يتأقلم بيه علي اي نظام حسابات في اي شركة ايا كان نشاطها
اعلانات المحاسبين

ان شاء الله بعد ما نخلص الكورس بتاعنا
اللي لسه متخرج هيبقي محاسب تقيل و صاحب الخبرة هيترقي من محاسب لمراجع او رئيس حسابات

اكيد عناوين الحلقات هتكون مشابهه للمصطلحات اللي متعودين عليها لكن الفرق هيكون في المضمون في توصيل المعلومة و الأفكار و النصايح اللي هتتقال  .

أهم حاجة تعمل تحميل للملفات اللي هنستخدمها في الشرح

لتحميل الشيتات         إضغط هنا

لتحميل المستندات      إضغط هنا

لمتابعة تفاصيل الدورة شاهد الفيديو


الوسوم:
التالي
هذا هو أحدث مقال.
السابق
رسالة أقدم

ليست هناك تعليقات:

إرسال تعليق

إعلان في أسفل التدوينة

إتصل بنا

نموذج الاتصال

الاسم

بريد إلكتروني *

رسالة *